بھارت اور نیدرلینڈز کا دو طرفہ دفاعی تعاون پر تبادلہ خیال

India Netherlands defence cooperation وزیر دفاع راج ناتھ سنگھ اور نیدرلینڈ کی ان کی ہم منصب کاجسا اولونگرین نے آج نئی دہلی میں بات چیت کے دوران دو طرفہ دفاعی تعاون کو بڑھانے کے طریقوں پر تبادلہ خیال کیا۔ دونوں ممالک نے بحر ہند کے علاقے میں میری ٹائم سیکورٹی کو بڑھانے کے لیے مل کر کام کرنے کا فیصلہ کیا۔

نئی دہلی: وزیردفاع راج ناتھ سنگھ نے آج نئی دہلی میں نیدرلینڈ کی وزیر دفاع محترمہ کاجسا اولونگرین کے ساتھ دو طرفہ میٹنگ کی۔ دونوں وزراء نے خاص طور پر سمندری اور صنعتی شعبوں میں اپنے دو طرفہ دفاعی تعاون کو آگے بڑھانے کے امکانات پر بات چیت کی۔ انہوں نے دونوں ممالک کی بحریہ کے درمیان بڑھتی ہوئی بات چیت کو نوٹ کیا اور بحر ہند کے خطے میں میری ٹائم سیکورٹی کو بڑھانے کے لیے مل کر کام کرنے کی خواہش کا اظہار کیا۔

راج ناتھ سنگھ نے سوشل میڈیا پلیٹ فارم ایکس پر لکھا کہ آج نئی دہلی میں نیدرلینڈ کی وزیر دفاع، محترمہ کاجسا اولونگرین کے ساتھ ایک بہترین ملاقات ہوئی۔ ہم نے دو طرفہ دفاعی تعاون خاص طور پر سمندری اور صنعتی شعبوں کو بڑھانے کے امکانات پر بات چیت کی۔

وزیر دفاع راجناتھ سنگھ نے تجویز پیش کی کہ ڈچ اوریجنل ایکوپمنٹ مینوفیکچررز کی حوصلہ افزائی کی اس بات کے لیے کی جانی چاہیے کہ وہ بھارتی فروخت کاروں کو اپنی سپلائی چین میں ضم کریں۔ بھارت نے ایک متحرک اختراع اور صنعتی ماحولیاتی نظام تیار کیا ہے۔ ہنر، ٹکنالوجی اور پیمانے میں بھارتی اور ڈچ کی تکمیل کو دیکھتے ہوئے، دونوں فریق دفاعی صنعتوں اور سیمی کنڈکٹرز اور صاف توانائی کے ہائی ٹیک شعبوں کے درمیان مزید بات چیت کی حوصلہ افزائی کرنے پر اتفاق کیا۔ نیدرلینڈ کی وزیر دفاع نئی دہلی میں رائسینا ڈائیلاگ میں شرکت کر رہی ہیں۔