اردو

urdu

ETV Bharat / bharat

گیانواپی مسجد معاملہ: الٰہ آباد ہائی کورٹ نے مسلم فریق کی ترمیمی درخواست کو قبول کر لیا - بنارس

Gyanvapi Mosque Case: الہ آباد ہائی کورٹ میں گیانواپی مسجد معاملے میں مسلم فریق کی عرضی پر منگل کو سماعت ہوئی۔ جہاں عدالت نے گیانواپی مسجد معاملے میں مسلم فریق کی ترمیمی درخواست کو قبول کر لیا ہے۔

Gyanvapi Mosque Case
گیانواپی مسجد معاملہ

By ETV Bharat Urdu Team

Published : Feb 6, 2024, 5:15 PM IST

Updated : Feb 6, 2024, 10:07 PM IST

پریاگ راج: گیانواپی مسجد معاملے میں منگل کو الہ آباد ہائی کورٹ میں مسلم فریق کی درخواست پر سماعت ہوئی۔ عدالت نے گیانواپی مسجد معاملے میں مسلم فریق کی ترمیمی درخواست کو قبول کر لیا ہے۔ اب ڈسٹرکٹ جج کے حکم پر روک لگانے کی درخواست پر بحث بدھ کو بھی جاری رہے گی۔

غور طلب ہو کہ منگل کو ہونے والی سماعت سے پہلے انجمن انتظام مسجد کمیٹی نے گیانواپی احاطے میں مسجد کے تہہ خانے میں پوجا شروع کرنے کے معاملے میں الہ آباد ہائی کورٹ میں ایک نئی درخواست دائر کی تھی۔ اس میں ضلع جج وارانسی کے 17 جنوری کے حکم کو چیلنج کیا گیا ہے۔ نئی درخواست میں وارانسی کے ڈی ایم کو مسجد کے تہہ خانے کا ریسیور مقرر کرنے کے ڈسٹرکٹ جج کے حکم کو بھی چیلنج کیا گیا ہے۔

قابل ذکر ہو کہ درخواست میں ڈسٹرکٹ جج کے ڈی ایم کو تہہ خانے کا ریسیور مقرر کرنے کے حکم کو منسوخ کرنے کی اپیل کی گئی ہے۔ پچھلی سماعت میں الہ آباد ہائی کورٹ نے انجمن انتظام مسجد کمیٹی کے وکیل سے پوچھا تھا کہ وارانسی ڈسٹرکٹ جج کے 17 جنوری کے حکم کو کیوں چیلنج نہیں کیا گیا؟ وہیں 17 جنوری کے حکم کے تسلسل میں 31 جنوری کو مسجد کے تہہ خانے میں پوجا شروع کرنے کا حکم دیا گیا تھا۔

یہ بھی پڑھیں؛

واضح ہو کہ گیانواپی مسجد معاملے میں عدالت نے تین مختلف معاملات میں سماعت کے لیے آج کی تاریخ مقرر کی تھی۔ جہاں راکھی سنگھ کے معاملے میں پیر کو ایک نئی درخواست دائر کی گئی ہے، جس میں راکھی سنگھ نے عدالت سے گیانواپی احاطے میں موجود ظاہری اور پوشیدہ تہہ خانوں کی اے ایس آئی جانچ کرانے کی درخواست کی ہے۔

Last Updated : Feb 6, 2024, 10:07 PM IST

ABOUT THE AUTHOR

...view details