రైలు ఎక్కుతూ జారిపడ్డ మహిళ.. లక్కీగా గార్డు స్పందించి..

కదులుతున్న రైలును ఎక్కడానికి ప్రయత్నించిన ఓ మహిళ జారి పడిపోయింది. వెంటనే రైలు లోపల ఉన్న రైల్వే కానిస్టేబుల్ ఆమెను కాపాడేందుకు ప్రయత్నించాడు. అంతలోనే అరుపులు విన్న గార్డు రైలును ఆపాడు. దీంతో మహిళ త్రుటిలో ప్రమాదం నుంచి తప్పించుకుని ప్రాణాలతో బయటపడింది. ఈ ఘటన ఉత్తర్​ప్రదేశ్​.. వారణాసి కంటోన్మెంట్ రైల్వే స్టేషన్​లో ఆదివారం జరిగింది. క్షేమంగా బయటపడ్డ మహిళను పార్వతిగా గుర్తించారు. వాటర్ బాటిల్ తెచ్చుకునేందుకు రైలు దిగానని బాధితురాలు తెలిపింది.