చుట్టూ వరద నీరు.. భుజాలపై మృతదేహం.. అలానే అంతిమ యాత్ర!
సరైన రోడ్డు సదుపాయం లేక.. వరద నీటిలోనే వృద్ధుడి అంతిమ యాత్ర నిర్వహించారు కర్ణాటక శివమొగ్గ జిల్లా తీర్థహళ్లి మండలం కొడ్లు గ్రామ ప్రజలు. తమ్మయ్య గౌడ(80) మృతదేహాన్ని భుజాలపై మోస్తూ.. దాదాపు 4 అడుగుల లోతు నీటిలో నడిచారు. ఎత్తయిన ప్రదేశానికి తీసుకెళ్లి వర్షంలోనే అంతిమ సంస్కారాలు నిర్వహించారు. ఏటా వానా కాలంలో ఇదే సమస్య తలెత్తుతున్నా.. అధికారులు ఎవరూ పట్టించుకోవడం లేదని స్థానికులు ఆవేదన వ్యక్తం చేశారు.