కరెంట్ వైర్ల కింద డీజే వ్యాన్లపై డ్యాన్స్.. ఒకరు మృతి
DJ current shock death video: డీజే సంగీతానికి లోకాన్ని మర్చిపోయి డ్యాన్స్ చేస్తూ ప్రాణాలు కోల్పోయాడు ఓ యువకుడు. మరో నలుగురు తీవ్రంగా గాయపడ్డారు. మధ్యప్రదేశ్ ఇందోర్ జిల్లా మౌ మండలం మేమ్దీ గ్రామంలో సోమవారం జరిగిందీ ఘటన. కావడి యాత్రలో భాగంగా కొందరు యువకులు రెండు డీజే వాహనాలు ఏర్పాటు చేశారు. మౌ-సిమ్రోల్ రోడ్లో డీజే వ్యాన్లను పక్కపక్కనే ఆపి, వాటిపై ఎక్కి ఉత్సాహంగా నృత్యం చేశారు. అయితే.. ఆ వ్యాన్పై డ్యాన్స్ చేస్తున్న ఓ వ్యక్తి చెయ్యి.. పైన ఉన్న హైటెన్షన్ కరెంట్ తీగను తాకింది. ఒక్కసారిగా షాక్ తగిలింది. ఐదుగురు అక్కడికక్కడే కుప్పకూలారు. వీరిని వెంటనే ఆస్పత్రికి తరలించారు. క్షతగాత్రుల్లో ఒకరు మరణించారు. మిగిలిన వారికి వైద్యులు చికిత్స చేస్తున్నారు.