'డెత్ పంచ్'​తో కోమాలోకి యువ బాక్సర్​.. రెండు రోజులకు మృతి - boxer dies in ring video

Boxer dies during fight: బాక్సింగ్​ మ్యాచ్​.. ఓ యువకుడి ప్రాణాలు బలిగొంది. ప్రత్యర్థి విసిరిన పంచ్.. 23 ఏళ్ల నిఖిల్​ పాలిట యమపాశమైంది. బెంగళూరు నగరభావి ప్రాంతంలో ఆదివారం ఈ ఘటన జరిగింది. రాష్ట్రస్థాయి కిక్​ బాక్సింగ్​ మ్యాచ్​ ఆడుతుండగా.. నిఖిల్ తలకు తీవ్ర గాయమైంది. అతడు అక్కడికక్కడే కుప్పకూలాడు. వెంటనే ఆస్పత్రికి తరలించారు. కోమాలోకి వెళ్లిపోయిన నిఖిల్​కు చికిత్స అందించినా.. ప్రయోజనం లేకుండాపోయింది. రెండు రోజుల తర్వాత అతడు ప్రాణాలు కోల్పోయాడు. మైసూరులో బుధవారం నిఖిల్​ మృతదేహానికి అతడి తల్లిదండ్రులు అంత్యక్రియలు నిర్వహించారు. సరైన జాగ్రత్తలు తీసుకోకుండా మ్యాచ్​ నిర్వహించడం వల్లే ఇలా జరిగిందని ఆర్గనైజర్స్​పై ఫిర్యాదు చేశారు.