బావిలో పడ్డ యువకుడు.. లక్కీగా అదే సమయానికి...
బావిలో పడ్డ యువకుడిని ఓ రైల్వే ఉద్యోగి చాకచక్యంగా కాపాడాడు. తొలుత తాడుతో యువకుడిని పైకి లాగేందుకు ప్రయత్నించి విఫలమయ్యాడు. అనంతరం అగ్నిమాపక సిబ్బందికి సమాచారం అందించాడు. వారు 20 నిమిషాల్లో యువకుడిని సురక్షితంగా బావిలో నుంచి బయటకు తీశారు. ఈ ఘటన గుజరాత్.. రాజ్కోట్లోని మేరీ గోల్డ్ అపార్ట్మెంట్లో జరిగింది. యువకుడిని ఏమైందని అడడగా.. తల తిరిగి బావిలో పడిపోయానని చెప్పాడు. అయితే యువకుడే బావిలో దూకాడని స్థానికులు చెబుతున్నారు. ఆ తర్వాత యువకుడిని స్థానిక పోలీసులకు అప్పగించారు. యువకుడు ఆత్మహత్యకు పాల్పడడానికి బావి వద్దకు వెళ్లాడా అనే కోణంలో పోలీసులు దర్యాప్తు చేస్తున్నారు.