JEEVAN REDDY DANCE: సరదాగా స్టెప్పులేసిన ఎమ్మెల్సీ జీవన్రెడ్డి
రాజకీయ కార్యక్రమాలతో నిత్యం బిజీగా ఉండే ఎమ్మెల్సీ జీవన్రెడ్డి సరదాగా స్టెప్పులేశారు. జగిత్యాల జిల్లా రాయికల్లో ఓ కార్యక్రమంలో పాల్గొనేందుకు వెళ్తుండగా.. మొహర్రం వేడుకల్లో భాగంగా పులివేషాలు ధరించి యువకులు నృత్యాలు చేస్తున్నారు. అదే సమయంలో అటుగా వెళ్తున్న జీవన్రెడ్డికి ఈ దృశ్యాలు దర్శనమివ్వడంతో కాసేపు ఆగారు. పులి వేషధారణలో ఉన్న యువకులతో కలిసి స్టెప్పులేశారు. వారిని హుషారెత్తించారు. అక్కడున్న వారంతా ఈ దృశ్యాన్ని ఆసక్తిగా చూస్తూ.. ఫోన్లలో బంధించారు. ప్రస్తుతం ఈ వీడియో సామాజిక మాధ్యమాల్లో వైరల్గా మారింది.