FIRE ACCIDENT: భారీ అగ్నిప్రమాదం.. ఎగిసిపడిన మంటలు - fire accident at vithalwadi

ఓ వైపు వర్షం కురుస్తుండగా.. మరోవైపు హైదరాబాద్​ నారాయణగూడ హరివిహార్‌ కాలనీలోని ఓ మూడంతస్తుల భవనంలో భారీ అగ్నిప్రమాదం సంభవించింది. కాలనీలోని 3-5-199/బి/9 మూడంతస్తుల భవనంలో గురువారం రాత్రి 9:30 గంటల ప్రాంతంలో షార్ట్‌ సర్క్యూట్‌తో ప్రమాదం సంభవించింది. మంటలు పెద్దఎత్తున ఎగిసిపడ్డాయి. సమాచారం అందుకున్న పోలీసులు, అగ్నిమాపక సిబ్బంది ఘటనా స్థలికి చేరుకున్నారు. మూడు అగ్నిమాపక యంత్రాలతో మంటలను అదుపు చేశారు. ఘటనలో ఎలాంటి ప్రాణనష్టం జరగలేదని పోలీసులు తెలిపారు.