ప్రపంచ టైటిల్​ గెలవగలిగే ధైర్యం వచ్చిందప్పుడే:హంపి - koneru hampi chess

తెలుగమ్మాయి, చదరంగ ధ్రువతార కోనేరు హంపి ఇటీవల ప్రపంచ వేదికపై సత్తా చాటింది. దాదాపు రెండేళ్ల విరామం తర్వాత మళ్లీ చెస్​లో రీఎంట్రీ ఇచ్చిన ఆమె.. తొలిసారి ప్రపంచ ర్యాపిడ్‌ ఛాంపియన్‌గా నిలిచింది. ఈ ఛాంపియన్‌షిప్‌లో ప్లేఆఫ్స్‌లో చైనా గ్రాండ్‌మాస్టర్‌ లీ టింగ్‌జీని ఓడించి టైటిల్‌ అందుకుంది. ఈ ఏడాది ఫిడె మహిళల గ్రాండ్‌ప్రిలో స్వర్ణం సాధించిన హంపి తొలి ప్రపంచ టైటిల్‌ ఖాతాలో వేసుకుంది. భారత్‌ తరఫున మహిళల విభాగంలోనూ ఇదే తొలి ప్రపంచ టైటిల్‌ కావడం విశేషం. తాజాగా తన ప్రదర్శనపై ఈటీవీ భారత్​ ఇంటర్వ్యూలో ముచ్చటించింది.