కేసీఆర్​కు వైఎస్ షర్మిల గిఫ్ట్ - ఏంటో తెలిస్తే షాక్

YS Sharmila Sendoff Gift To CM KCR : రాష్ట్రంలో బీఆర్​ఎస్​ పాలనకు చరమగీతం పాడే సమయం ఆసన్నమైందని వైఎస్సాఆర్​ తెలంగాణ పార్టీ అధ్యక్షురాలు షర్మిల అన్నారు. కేసీఆర్ ఇంటికి పోయే టైం వచ్చిందని తెలిపారు. తెలంగాణ ప్రజలు 'బై బై​ కేసీఆర్'​ అని చెబుతున్నారు అని రాసి ఉన్న ఓ సూట్​ కేస్​ను కేసీఆర్​కు బహుమతి ఇస్తున్నానని మీడియా సమావేశంలో ఆ కానుకను చూపించారు. ఎన్నికల్లో తమ పార్టీ పోటీ చేస్తే కాంగ్రెస్​ను సులభంగా ఓడించగలదని వ్యాఖ్యానించారు. కానీ తమ ఉద్దేశం కేసీఆర్​ను అధికారంలో నుంచి దించడమని.. అందువల్లే కాంగ్రెస్​కు మద్దతు ఇచ్చానని స్పష్టం చేశారు. 

Sharmila Interesting Comments on KCR  : రాష్ట్రంలో విడుదలయిన ఎగ్జిట్​ పోల్స్​ ఫలితాలు నిజం కావాలని షర్మిల(YS Sharmila Comments) ఆకాంక్షించారు. కేసీఆర్​కు​ రెండు సార్లు అధికారం ఇచ్చినా ఒక్క వాగ్దానం కూడా నెరవేర్చలేదని మండిపడ్డారు. గత రెండు ఎన్నికల్లో కేసీఆర్  45 మంది ప్రజాప్రతినిధులను కొన్నారని ఆరోపించారు. ఈసారి బీఆర్ఎస్​ పార్టీ నాయకులు ప్రజల తీర్పును అంగీకరించాల్సిందేనని వ్యాఖ్యానించారు. రాష్ట్రవ్యాప్తంగా తాను పాదయాత్ర చేసినా రాని గుర్తింపు రాహుల్​ గాంధీ పాదయాత్రకు వచ్చిందని చెప్పారు. తనతో పోరాటం చేసిన వాళ్లు, తన పార్టీని వదిలి బీఆర్​ఎస్​లో చేరడం బాధేసిందని విచారం వ్యక్తం చేశారు.