జలపాతంలో కొట్టుకుపోయిన యువకుడు.. రెప్పపాటులోనే కాలు జారి.. - వైరల్ వీడియోలు

సరదాగా జలపాతన్ని చూడటానికి వెళ్లిన వ్యక్తి ప్రమాదవశాత్తు వరద నీటిలో పడి కొట్టుకుపోయాడు. ఈ దృశ్యాలు మొబైల్​లో రికార్డయ్యాయి. కర్ణాటకలోని ఉడిపి జిల్లా కొల్లూర్​లోని అరశినగుండి జలపాతం దగ్గర ఈ ప్రమాదం జరిగింది. శివమొగ్గ జిల్లా భద్రావతి ప్రాంతానికి చెందిన శరత్​ కుమార్​(23) జలపాతాన్ని చూసేందుకు కారులో కొల్లూరుకు వచ్చాడు. జలపాతాన్ని వీక్షించేందుకు అక్కడ ఓ బండపై నిలబడ్డాడు. దీనిని అతడి స్నేహితుడు ఫోనులో వీడియో తీశాడు. ఆ సమయంలో ప్రమాదవశాత్తు కాలు జారి నీటిలో పడిపోయాడు శరత్. కాలు జారి పడిపోతున్న దృశ్యం మొబైల్​లో రికార్డు అయ్యింది. సమాచారం అందుకున్న కొల్లూర్ పీఎస్ఐ జయలక్ష్మి, సిబ్బంది ఘటన స్థలానికి చేరుకొని దర్యాప్తు చేస్తున్నారు. జలపాతంలో కొట్టుకుపోయిన శరత్ కోసం గాలింపు చర్యలు చేపట్టారు. కొల్లుర్ పోలీసు స్టేషన్​లో కేసు నమోదు చేశారు.

అదృష్టవశాత్తు రాయిని పట్టుకుని..
కొద్ది రోజుల క్రితం మహారాష్ట్ర ఉస్మానాబాద్​లో భారీ వర్షాలు కురిశాయి. ఈ క్రమంలో భూమ్ తాలూకాలోని పత్రుడ్​​లో దుధానా నది ఉద్ధృతంగా ప్రవహించింది. ఆ నది వంతెన దాటుతున్న కాంతిలాల్ అనే బైకర్​ ప్రవాహంలో కొట్టుకుపోయాడు. అయితే అదృష్టవశాత్తు ఓ బండరాయిని పట్టుకుని సురక్షితంగా బయటపడ్డాడు. అతడి బైక్​ మాత్రం నదిలో కొట్టుకుపోయింది. వీడియో కోసం ఇక్కడ క్లిక్​ చేయండి.