Yennam Srinivas Reddy Fires on BJP and BRS : 'త్వరలో బీజేపీ నుంచి పెద్ద వికెట్లు పడబోతున్నాయి' - తెలంగాణలో కాంగ్రెస్ ఆరు గ్యారెంటీలు

Yennam Srinivas Reddy Fires on BJP and BRS :బీజేపీ నుంచి త్వరలో పెద్ద వికెట్లు పడబోతున్నాయని మహబూబ్​నగర్ మాజీ ఎమ్మెల్యే, కాంగ్రెస్ నాయకులు యెన్నం శ్రీనివాస్​రెడ్డి(Yennam Srinivas Reddy) అన్నారు. బీజేపీను వీడి కాంగ్రెస్​లో చేరిన తర్వాత ఆయన మొదటి సారిగా మహబూబ్​నగర్ జిల్లా కాంగ్రెస్ కార్యాలయానికి వచ్చారు. ఈ సందర్భంగా శ్రీనివాస్​రెడ్డి మాట్లాడారు. కేసీఆర్ అరాచకపాలనకు చరమగీతం పాడేందుకు రాష్ట్రంలో రాజకీయ పునరేకీకరణ జరుగుతోందని.. జెండాలు, ఎజెండాలు పక్కన పెట్టి, అన్నివర్గాలు కాంగ్రెస్ జెండా కిందకు చేరుతున్నారని అన్నారు. 

Yennam Srinivas Reddy Comments on BRS :ఎందుకోసం సోనియా తెలంగాణ ఇచ్చిందో.. తొమ్మదేళ్ల బీఆర్ఎస్ పాలనలో ప్రజల ఆకాంక్షలు నెరవేరలేదని యెన్నం శ్రీనివాస్​రెడ్డి అన్నారు. అమరుల ఆశయాలు నెరవేరాలంటే రాష్ట్రంలో కాంగ్రెస్ అధికారంలోకి రావాలని ఆయన ఆకాంక్షించారు. కేసీఆర్​ను(CM KCR) గద్దె దించడమే లక్ష్యంగా బీజేపీలో పనిచేశానని.. బీజేపీ-బీఆర్ఎస్ మైత్రి తర్వాతే తాను కాంగ్రెస్ వైపు చూశానన్నారు. కాంగ్రెస్​లోనూ కేసీఆర్​ను గద్దె దించాలన్న లక్ష్యంతోనే పనిచేస్తానని చెప్పారు. అమలుకు సాధ్యమైన హామీలే కాంగ్రెస్ ఇచ్చిందని.. సోనియా ఇచ్చిన 6 గ్యారంటీలు(Congress Six Guarantees in Telangana) అధికారంలోకి వచ్చాక తప్పక కార్యరూపం దాల్చుతాయన్నారు. మహబూబ్​నగర్ నియోజకవర్గంలో అరాచకపాలన సాగుతోందని ఆరోపించారు. ప్రజలు స్వేచ్ఛ లేకుండా బిక్కుబిక్కుమంటూ బతుకుతున్నారని విమర్శించారు. పాలమూరులో అరాచకం పోవాలంటే కాంగ్రెస్ అభ్యర్థిని గెలిపించాలని కోరారు. పార్టీ అధిష్ఠానం ఎవరికి టిక్కెట్ ఇచ్చినా.. కార్యకర్తగా వారి గెలుపుకోసం కృషి చేస్తానని చెప్పారు.