స్టేజీపైనే గుండెపోటుతో కళాకారుడు మృతి

కర్ణాటక మంగళూరు సమీపంలో యక్షగాన ప్రదర్శనలో అపశ్రుతి చోటుచేసుకుంది. శిశుపాలుడి వేషంలో ఉన్న కటీల్ మేళా కళాకారుడు గుండెపోటుతో మరణించాడు. గురువారం కటిలిన క్షేత్రంలోని సరస్వతీ సదన్​లో త్రిజన్మ మోక్ష యక్షగానం జరిగింది. ఈ సందర్భంగా శిశుపాలుడు పాత్రధారి అయిన 58 ఏళ్ల గురువప్ప బయ్యరుకు వేదికపై ఉండగా గుండెపోటు వచ్చింది. స్టేజీపైనే కుప్పకూలిన అతడ్ని స్థానిక ఆసుపత్రికి తరలించారు. తర్వాత మంగళూరు తీసుకెళ్లారు. హాస్పిటల్​లో చికిత్స పొందుతూ గురువప్ప మృతి చెందాడు.