Woman Halchal in Hyderabad Viral Video : మద్యం మత్తు.. నడిరోడ్డుపై అర్ధనగ్నంగా యువతి హల్​చల్​​​.. వచ్చీపోయే వారిని..! - అశోక్​నగర్​లో మద్యం మత్తులో యువతి హల్చల్​ వైరల్​

Woman Halchal in Hyderabad Viral Video : మద్యం మత్తులో ఓ యువతి వీరంగం సృష్టించింది. అర్ధనగ్నంగా రోడ్లపై తిరుగుతూ.. బ్లేడుతో హల్​చల్ చేసిన ఘటన హైదరాబాద్​లోని అశోక్​నగర్​ చౌరస్తాలో చోటుచేసుకుంది. దోమల్​గూడా పోలీస్​స్టేషన్ పరిధిలోని అశోక్​నగర్ రోడ్డు మీదుగా రాకపోకలు సాగిస్తున్న యువకులపై.. సదరు యువతి బ్లేడుతో దాడికి యత్నించింది. వెంటనే అప్రమత్తమైన స్థానిక యువకులు.. స్థానిక పోలీస్​స్టేషన్​కు సమాచారం ఇచ్చారు. అదే సమయంలో అటువైపుగా వెళ్తున్న చిక్కడపల్లి మహిళా ట్రాఫిక్ కానిస్టేబుల్ యువతిని అదుపులోకి తీసుకుని దుస్తులు తొడిగారు. అనంతరం ఆటోలో ఎక్కించుకుని దోమలగూడ పోలీస్​స్టేషన్​కు తరలించారు. మద్యం మత్తు నుంచి తేరుకున్న యువతి.. కొద్ది సమయం తర్వాత స్వతహాగా పోలీస్​స్టేషన్ నుంచి బస్సులో ఎక్కి వెళ్లిపోయారని పోలీసులు తెలిపారు. యువతి పూర్తి వివరాలు తెలియాల్సి ఉంది. ఇటీవల నగరంలో ఇలాంటి ఘటనలు తరచుగా చోటుచేసుకుంటున్నాయి. మద్యం మత్తులో పలువురు విచక్షణ కోల్పోయి ప్రవర్తిస్తూ.. ఇతరుల ప్రాణాలను ప్రమాదంలోకి నెడుతున్నారు.