ఆ ఇంట్లో వేలాది తేళ్లు.. లీటరు విషం 86 కోట్ల రూపాయలు - గది నిండా తేళ్లు ఉన్న వీడియో

ఓ గదిలో వేలాది తేళ్లు ఉన్న వీడియో సోషల్ మీడియాలో హల్​చల్​ చేస్తోంది. ఒళ్లు గగుర్పొడిచే ఈ దృశ్యాలు గతేడాదికి సంబంధించినవని తెలుస్తోంది. ఈ వీడియోను ఆదివారం ట్విట్టర్​లో అప్​లోడ్​ చేసిన 12 గంటల్లోనే 40లక్షల మందికిపైగా వీక్షించారు. ఇది ఎక్కడ తీశారో స్పష్టత లేనప్పటికీ అందులో వినిపిస్తున్న మాటల ఆధారంగా బ్రెజిల్​లో తీసి ఉండొచ్చని, అవి అత్యంత ప్రమాదకరమైన డెత్​ స్టాకర్​ తేళ్లని అర్థమవుతోంది. ఈ తేళ్ల విషం ఎంతో ఖరీదైనది. ఒక్కో లీటరు 10.5 మిలియన్ డాలర్లు అంటే దాదాపు 86 కోట్ల 76 లక్షల రూపాయలు పలుకుతుంది. కానీ ఒక్క లీటరు కావాలంటే ఒక్కో తేలు నుంచి దాదాపు 7లక్షల సార్లు విషం తీయాల్సి ఉంటుంది.