Thief Hanging From Train Viral Video : మహిళ పర్సు చోరీ.. దొంగను కిటికీకి వేలాడదీసిన ప్రయాణికులు.. తర్వాత స్టేషన్​లో..

Thief Hanging From Train Viral Video :రైలులో ప్రయాణిస్తున్న మహిళ పర్సును చోరీ చేసిన ఓ దొంగను కిటికీకి వేలాడదీశారు ప్రయాణికులు. రైలు తర్వాత స్టేషన్​కు చేరుకున్నాక.. దొంగను ఆర్​పీఎఫ్​ కానిస్టేబుల్​కు అప్పగించారు. అయితే రైలు కిటికీకి దొంగ వేలాడుతున్న వీడియో.. సోషల్​ మీడియాలో వైరల్​గా మారింది. ఈ ఘటన బిహార్​లోని బెగూసరాయ్​లో కటిహార్​ నుంచి సమస్తిపుర్​ వెళ్తున్న రైలులో జరిగింది.

అసలేం జరిగిందంటే?
Hanging Thief In Train :శనివారం.. కటిహార్​ నుంచి సమస్తిపుర్​ వెళ్తున్న రైలులో ఉన్న మహిళ పర్సును ఓ యువకుడు చోరీ చేశాడు. ఆ తర్వాత పారిపోయేందుకు ప్రయత్నించాడు. వెంటనే అప్రమత్తమైన మిగతా ప్రయాణికులు.. అతడిని పట్టుకుని వేలాడదీశారు. పడిపోకుండా ఉండేందుకు అతడి చేతులు గట్టిగా పట్టుకున్నారు. కొన్ని కిలోమీటర్లు అలానే అతడిని వేలాడదీసి.. బచ్వారా జంక్షన్‌ రైల్వే స్టేషన్​ కానిస్టేబుల్​కు అతడిని అప్పగించారు. దొంగను హేమంత్ కుమార్‌గా పోలీసులు గుర్తించారు. నిందితుడిని విచారించి విడిచిపెట్టినట్లు పోలీసులు తెలిపారు.