ETV Bharat / videos

Petex India Exhibition 2023 :హైదరాబాద్ మాదాపూర్ హైటెక్స్ ఎగ్జిబిషన్ సెంటర్​లో కిడ్స్ ఫెయిర్, పెటెక్స్ షో ప్రారంభమయ్యాయి. ఈ ప్రదర్శనలను రాష్ట్ర పర్యాటక శాఖ మంత్రి జూపల్లి కృష్ణారావు ముఖ్య అతిథిగా పాల్గొని ప్రారంభించారు. పెటెక్స్ షో ఆండ్​ కిడ్స్ ఫెయిర్ ఈ నెల 22 నుంచి 24 వరకు జరుగుతుందని నిర్వాహకులు, పెటెక్స్ సభ్యులు చందు తెలిపారు. 

Petex Pet Care Exhibition :మూడు రోజుల పాటు జరిగే ఈ ప్రదర్శనలో పెంపుడు జంతువుల కోసం ఆహార పదార్థాలు, వాటి గ్రోమింగ్​ కోసం ఉపయోగించే సుందరీకరణ ఉత్పత్తులు ప్రదర్శనలో ఉన్నాయని చందు పేర్కొన్నారు. పెటెక్స్​ షోలో పలు జాతులకు చెందిన శునకాలు, పిల్లులు, పక్షులు, చేపలు అందుబాటులో ఉన్నాయని చెప్పారు. ఈ ప్రదర్శనలో పెంపుడు శునకాలతో విన్యాసాలు, ఫ్యాషన్​ షో ఉంటుందని తెలిపారు. కిడ్స్​ ఫెయిర్​లో పిల్లలకు కావాల్సిన పుస్తకాలు, ఆట వస్తువులను కూడా ప్రదర్శనలో ఉంచారు.