బీఆర్​ఎస్​ అభ్యర్థి సునీత రెడ్డి వాహనంపై విపక్ష పార్టీ కార్యకర్తల దాడి - SUNITHA CAR DADI in Medak

Opposition Leaders Attack on BRS Candidate Car : మెదక్ జిల్లా లింగంపల్లి గ్రామపంచాయతీ బిట్ల తండాలో బీఆర్​ఎస్​ అభ్యర్థి సునీత రెడ్డి వాహనంపై విపక్ష పార్టీ యువకులు దాడి చేశారు. ఈ ఘటనలో కారు అద్దం ధ్వంసమైంది. సునీత రెడ్డి ఓటు వేసే సమయంలో.. ఆమె కుమారుడు పోలింగ్‌ కేంద్రానికి రావడంతో యువకులు అభ్యంతరం వ్యక్తం చేశారు. ఆగ్రహాంతో సునీత రెడ్డి వాహనంపై దాడి చేసి.. ఘర్షణకు పాల్పడ్డారు. పోలీసులు సంఘటన స్థలానికి చేరుకుని ధ్వంసమైన కారుని కౌడిపల్లి పోలీస్​ స్టేషన్‌కు తరలించారు. సునీత రెడ్డి అనుచరులు ఫిర్యాదుతో పోలీసులు కేసు నమోదు చేశారు.

Clash between BRS Congress Leaders At Medak : అసెంబ్లీ ఎన్నికల్లో కాంగ్రెస్​ నాయకులు ఓడిపోతారనే భయంతోనే.. కార్యకర్తలతో బీఆర్​ఎస్ పార్టీ అభ్యర్థి సునీత కారుపై దాడి చేశారని ఆమె కుమారుడు ఆరోపించారు. లింగంపల్లికి కారులో వెళుతుండగా పోలింగ్​బూత్​ లేదని స్థానిక సర్పంచ్​ చెప్పగా.. తిరిగి వెనకకు వస్తుండగా కొంతమంది వచ్చి, బైకులతో కారును అడ్డగించారని సునీత కుమారుడు తెలిపారు.