NRI Protests in America Over Chandrababu Arrest: అమెరికాలో గళమెత్తిన తెలుగు ప్రజలు.. టీడీపీ-జనసేన జెండాలతో భారీ ర్యాలీ

NRI Protests in America Over Chandrababu Arrest:చంద్రబాబు అక్రమ అరెస్టును నిరసిస్తూ అమెరికాలో తెలుగు ప్రజలు పెద్దఎత్తున రోడ్డెక్కి ఆందోళన చేశారు. న్యూజెర్సీలో చంద్రబాబుకు మద్దత్తుగా పెద్ద ఎత్తున నిరసన ర్యాలీ చేపట్టారు. తెలుగుదేశం- జనసేన జెండాలు చేతపట్టి అమెరికా వీధుల్లో నినదించారు. ఉమ్మడి రాష్ట్ర ముఖ్యమంత్రిగా చంద్రబాబు తీసుకొచ్చిన విద్యా ప్రమాణాల వల్లే తాము విదేశాల్లో స్థిరపడ్డామని ప్రవాసాంధ్రులు తేల్చి చెప్పారు. న్యాయం కావాలి - చంద్రబాబు విడుదల కావాలి అనే నినాదాలతో అమెరికా రోడ్లపై కదంతొక్కారు. చంద్రబాబు అరెస్టు అక్రమమంటూ అమెరికా వీధుల్లో హోరెత్తించారు. సైకో పోవాలి- సైకిల్ రావాలి అనే నినాదాలతో భారీ ర్యాలీ చేపట్టారు. ఏపీలో ప్రజాస్వామ్యాన్ని కాపాడాలంటూ పెద్ద ఎత్తున నినాదాలు చేశారు. చంద్రబాబు అరెస్టుపై గత ఎనిమిది రోజులుగా ఆంధ్రప్రదేశ్ అంతటా తెలుగుదేశం నాయకులు, కార్యకర్తలు ఆందోళనలు చేస్తున్నారు. వీరికితోడు ఇతర దేశాల్లో కూడా చంద్రబాబు అరెస్టును ఖండిస్తూ తెలుగు ప్రజలు నిరసనలు చేస్తున్నారు.