టింగ్ టింగ్​ అంటూ మెసేజ్.. ఫ్రీగా డబ్బులు.. వందలు.. వేలు కాదు ఏకంగా లక్ష!

Money Deposits into Common People Bank Accounts in Eturnagaram :ములుగు జిల్లా ఏటూరునాగారంలో విచిత్రం చోటుచేసుకుంది. మండల కేంద్రంలోని ఓ వీధిలో సుమారు 50 మందికి పైగా ఖాతాదారుల్లో రెండ్రోజులుగా అకస్మాత్తుగా నగదు జమ అవుతున్నాయి. రూ.10 వేల నుంచి రూ.లక్ష వరకు ఎస్​బీఐ(SBI) బ్యాంక్ అకౌంట్ ఉన్నవారితో పాటు.. ఇతర బ్యాంక్ ఖాతాల్లో కూడా నగదు జమ కావడంతో ఆశ్చర్యానికి గురయ్యారు. నగదు ఖాతాల్లో పడిన వెంటనే కొంతమంది విత్ డ్రా(Money Withdraw) చేసుకున్నారు. అసలు ఆ నగదు ఎక్కడి నుంచి వచ్చాయనే విషయం ఎవరికీ అర్థం కాక అయోమయంలో ఉన్నారు. 

Money in Common People Bank Accounts in Eturnagaram :ఆదివారం రోజున బ్యాంక్ సెలవు దినం కావడంతో పూర్తి సమాచారం తెలియలేదు. గ్రామంలో గుంపులుగా ఒక దగ్గర చేరుకొని చర్చించుకుంటున్నారు. కొంతమంది తమ అకౌంట్​లో కూడా డబ్బు క్రెడిట్ అవ్వాలని కోరుకుంటున్నారు. ప్రస్తుతం దీనిపై పోలీసులు కూడా ఆరా తీస్తున్నారు. కొంతమంది మాత్రం తునికాకు డబ్బులు పడుతున్నాయని అంటున్నారు. దీంతో అందరూ తమ అకౌంట్​లో బ్యాలెన్స్ చెక్ చేసుకోవడానికి మిని ఏటీఎంల వద్దకు పరుగులు తీస్తున్నారు. మరికొంత మంది తమ సెల్ ఫోన్​లో బ్యాలెన్స్ చూసుకుంటున్నారు. ప్రస్తుతం ఏటూరునాగారం అంతటా ఈ సమాచారం హాట్ టాపిక్​గా మారింది.