MLC Palla Rajeshwar Visited Komuravelli Mallanna Temple : ప్రజలు ఆశీర్వదించి.. బీఆర్ఎస్ పార్టీని గెలిపించాలి : ఎమ్మెల్సీ పల్లా - Telangana latest news

MLC Palla Rajeshwar Visited Komuravelli Mallanna Temple: జనగామ బీఆర్ఎస్ ఎమ్మెల్యే అభ్యర్థిగా ప్రకటించిన అనంతరం ఎమ్మెల్సీ పల్లా రాజేశ్వర్ రెడ్డి మొదటిసారి జనగామ నియోజకవర్గానికి చేరుకున్నారు. పల్లా రాజేశ్వర్ రెడ్డికి బీఆర్ఎస్ కార్యకర్తలు, ప్రజాప్రతినిధులు ఘన స్వాగతం పలికారు. ఈ సందర్భంగా సిద్దిపేట జిల్లా జనగామ నియోజకవర్గంలోని కొమురవెల్లి మల్లన్న ఆలయాన్ని సందర్శించిన పల్లా.. ఆలయంలో ప్రత్యేక పూజలు నిర్వహించారు. పూజల అనంతరం జనగామ జిల్లా కేంద్రంలో 16వ తేదీన జరిగే ముఖ్యమంత్రి కేసీఆర్ ఆశీర్వాద సభ సన్నాహక సమావేశానికి భారీ ద్విచక్ర వాహన ర్యాలీతో బయలుదేరారు. 

కొమురవెల్లి మల్లికార్జున స్వామి ఆశీర్వాదంతో సీఎం కేసీఆర్ ఆధ్వర్యంలో మూడోసారి అధికారంలోకి రావాలని స్వామివారిని వేడుకున్నానని పల్లా అన్నారు. గత పది సంవత్సరాల్లో ఎన్నో అభివృద్ది పనులు చేసుకున్నామని.. మూడోసారి ప్రజలు కేసీఆర్​ను ఆశీర్వదించి బీఆర్ఎస్ పార్టీని గెలిపించుకోవాలని కోరారు. సీఎం కేసీఆర్ హయాంలో తెలంగాణ రాష్ట్రం సస్యశ్యామలంగా మారిందని.. సీఎం కేసీఆర్ మూడోసారి అధికారంలోకి వస్తే రాష్ట్రాన్ని అన్ని రంగాల్లో అభివృద్ధి చేస్తామన్నారు.