MLA's Dance: ప్లీనరీ సమావేశాల్లో తొడగొట్టిన రాజయ్య, డ్యాన్స్ చేసిన గండ్ర

mla dance at brs plenary meetings: తెలంగాణలో బీఆర్​ఎస్ పార్టీ ప్లీనరీ సమావేశాలు ఉత్సాహంగా జరుగుతున్నాయి. ఈ భేటీల్లో నేతలు, కార్యకర్తలు ఉత్సాహంగా పాల్గొంటున్నారు. నేతలు ఆటపాటలాడి ప్రజలను ఉత్సాహపరుస్తున్నారు. ఉమ్మడి వరంగల్ జిల్లాల్లోని ఎమ్మెల్యేలు తాటికొండ రాజయ్య, గండ్ర వెంకట రమణారెడ్డిలు కళాకారులతో కలిసి డాన్సు చేశారు. దీంతో సమావేశ ప్రాంతమంతా సందడిగా మారింది. కొత్త జోష్​తో ప్లీనరీ సమావేశాలు జరిగాయి. జనగామ జిల్లా స్టేషన్ ఘన్​పూర్ డివిజన్ కేంద్రంలో బీఆర్ఎస్ పార్టీ ఫ్లీనరీ సమావేశంలో ఎమ్మెల్యే తాటికొండ రాజయ్య డాన్స్ వేశారు. కళాకారులతో కలిసి స్టేజిపై రాజయ్య తొడగొట్టి డాన్స్ చేయడంతో ఆ ప్రాంతంలో నూతనోత్సహాన్ని నింపింది. ఎమ్మెల్యే డాన్స్ చేయడంతో కార్యకర్తలు ఎంతో ఆసక్తిగా చూశారు. అలాగే జయశంకర్ భూపాలపల్లి జిల్లా కేంద్రంలో బీఆర్​ఎస్ పార్టీ ప్రతినిధుల సభలో కళాకారుల పాటలకు జెండా పట్టుకొని ఎమ్మెల్యే దంపతులు గండ్ర వెంకటరమణారెడ్డి, జ్యోతి రెడ్డి డ్యాన్స్ వేశారు. ఎమ్మెల్యే సభలో ఆనందంగా డ్యాన్స్ వేయడంతో సభా ప్రాంగణమంతా ఒక్కసారిగా ఉత్సాహంగా మారింది.