ఫైర్​ హెయిర్​ కట్​ చేస్తుండగా ప్రమాదం - ఫైర్​ హెయిర్​ కట్​ యువకుడికి గాయాలు

ఫైర్​ హెయిర్​ కట్​ కోసం సెలూన్​కు వెళ్లిన ఓ యువకుడు తీవ్రగాయాలపాలయ్యాడు. ఈ ఘటన గుజరాత్​లోని వల్సాద్​ జిల్లాలో జరిగింది. జిల్లాలోని వాపి ప్రాంతానికి చెందిన బాధితుడు.. బుధవారం ఫైర్​ హెయిర్​ కట్​ కోసం స్థానికంగా ఉన్న సెలూన్​కు వెళ్లాడు. ప్రక్రియలో భాగంగా బాధితుడి జట్టుకు రసాయనం పూసి నిప్పు అంటించాడు సెలూన్​ యజమాని. అయితే మంటలు భారీగా ఎగిసిపడ్డాయి. తీవ్రగాయాలపాలైన యువకుడిని స్థానికులు వాపిలోని ఆస్పత్రిలో చేర్పించారు. అక్కడి నుంచి సూరత్​ ఆస్పత్రికి తరలించారు. కేసు నమోదు చేసుకున్న పోలీసులు దర్యాప్తు చేపడుతున్నారు. ఫైర్ హెయిర్‌కట్ కోసం సెలూన్​ యజమాని ఏ రసాయనాన్ని ఉపయోగించాడనే దానిపై దర్యాప్తు కొనసాగుతోందని పోలీసులు తెలిపారు.