Mahmood Ali React on Gunmen Slap : ​చెంపదెబ్బపై స్పందించిన హోంమంత్రి.. ఏమన్నారంటే...

Minister Mahmood Ali React on Gunmen Slap : గన్‌మెన్‌పై చేయిచేసుకున్న ఘటనపై హోంమంత్రి మహమూద్‌ అలీ స్పందించారు. ఆ గన్‌మెన్ తన కుమారుడు లాంటి వాడని.. అందరూ తన బిడ్డలేనని స్పష్టం చేశారు. తాను ఎవరికైనా, ఎంత చిన్నవారికైనా గౌరవం ఇస్తానని స్పష్టం చేశారు.

Mahmood Ali on Gunmen Slap : హైదరాబాద్‌ మలక్‌పేట మహబూబ్‌ మెడిసిన్ గంజ్‌లోని మార్కెట్‌ యార్డులో రూ, 53 లక్షలతో చేపట్టిన వివిధ అభివృద్ది పనులను మహమూద్‌ అలీ ప్రారంభించారు. ఈ సందర్భంగా ఏర్పాటు చేసిన కార్యక్రమంలో హోంమంత్రి మాట్లాడుతూ.. నిన్న గన్‌మెన్‌ ఘటనను పట్టించుకోవద్దని ప్రేమతోనే వ్యవహారించానని పేర్కొన్నారు. కొట్టాలనే ఉద్దేశం ఏ కోశాన లేదన్నారు.  అందరిని తన బిడ్డల మాదిరిగానే చూసుకుంటానని తెలిపారు. తనతో ఉన్నవారందరూ తన బిడ్డలేనని వివరణ ఇచ్చారు. శుక్రవారం నాడు తలసాని శ్రీనివాస్​యాదవ్​ పుట్టినరోజు సందర్భంగా.. మంత్రి శుభాకాంక్షలు తెలుపుతున్న సమయంలో.. మహమూద్​ అలీ గన్​మెన్​ చెంప చెల్లుమనిపించాడు. సదరు వీడియో సామాజిక మాధ్యమాల్లో వైరలయ్యింది.