తుపాకీతో బెదిరిస్తున్న దొంగ సంగతి తేల్చిన మంత్రి

మహారాష్ట్ర మంత్రి దాదా భూసే సాహసం చేశారు. ఓ బంగ్లాలో మహిళలను తుపాకీతో బెదిరించి చోరీకి యత్నించిన దొంగను ఆయన పట్టుకున్నారు. ఈ ఘటన మాలెగావ్​ పట్టణంలో సోమవారం మధ్యాహ్నం జరిగింది. తుపాకీతో బంగ్లాలో ఉన్న మహిళలను బెదిరించి నగదు నగలు ఇవ్వాలని దొంగ డిమాండ్ చేశాడు. ఈ విషయం తెలుసుకున్న మంత్రి దాదా భూసే దొంగను లొంగిపోవాలని కోరారు. ఎంతసేపటికీ దొంగ పట్టించుకోకపోవడం వల్ల బంగ్లాలోకి పార్టీ కార్యకర్తలతో కలిసి వెళ్లి దొంగను పట్టుకుని పోలీసులకు అప్పగించారు.