Constable attack on Singareni employee : మద్యం మత్తులో సింగరేణి ఉద్యోగిపై కానిస్టేబుల్ దాడి.. సీసీ కెమెరాలో దృశ్యాలు
Constable attack on motorist in Kamanpur : పెద్దపల్లి జిల్లా కమాన్పూర్ మండలంలో మద్యం మత్తులో ఓ కానిస్టేబుల్ వాహనాదారున్ని ఢీ కొట్టడమే కాకుండా అతనిపై దాడికి పాల్పడ్డాడు. స్థానికులు, బాధితుడు కథనం ప్రకారం.. ఎన్టీపీసీ పోలీస్ స్టేషన్లో విధులు నిర్వహిస్తున్న కానిస్టేబుల్ పోగుల అజయ్ అతని బంధువు ఇద్దరు కలసి కమాన్పూర్ క్రాస్‌ రోడ్ వద్ద వైన్ షాప్ దగ్గర మద్యం తాగారు. ఆ తరువాత వారి బైక్ తీసుకొని రోడ్డు మీదకు వస్తుండగా.. అటు నుంచి వస్తున్న సింగరేణి ఉద్యోగి శనిగరపు సమ్మయ్య అనే వ్యక్తిని ఢీ కొట్టారు. ఈ సమయంలో ఇద్దరు బైక్ మీద నుంచి పడిపోయారు. దీనిపై తీవ్ర ఆగ్రహానికి లోనైన కానిస్టేబుల్ సింగరేణి ఉద్యోగిపై.. దాడికి పాల్పడ్డారు. పరుష పదజాలంతో దూషించారు. స్థానికుల వచ్చి నచ్చజెప్పడంతో వివాదం సద్దుమనిగింది. ఈ ఘటనపై స్థానిక ప్రజలు విస్మయం వ్యక్తం చేస్తున్నారు. బాధ్యతయుతమైన వృత్తిలో ఉన్న వారే తప్పతాగి డ్రైవ్ చేస్తుంటే.. సామాన్య ప్రజల పరిస్థితి ఏంటని ప్రశ్నిస్తున్నారు. ఈ వ్యవహారం సామాజిక మాధ్యమాల్లో వైరల్ కావడంతో జిల్లా ఉన్నతాధికారులు విచారణ చేపట్టారు.