పారిశుద్ధ్య కార్మికులతో కలిసి భోజనం చేసిన కేటీఆర్ - కేటీఆర్​ వర్కర్స్​తో లంచ్

KTR lunch with Sanitation Workers in Hyderabad : తెలుగు రాష్ట్రాల్లో నూతన సంవత్సర వేడుకలు అంబరాన్నంటాయి. ముఖ్యంగా తెలంగాణ ప్రజలు 2023కు ఘనంగా వీడ్కోలు పలికి అంతకుమించి గ్రాండ్​గా 2024 కొత్త ఏడాదికి స్వాగతం పలికారు. ఈ ఏడాదంతా ఎంతో ఉత్సాహంగా ఉండాలని ఆశిస్తూ ఉత్సాహంగా న్యూ ఇయర్(New Year 2024)​కు వెల్​కమ్ చెప్పారు. కొత్త ఏడాది సందర్భంగా పలువురు రాజకీయ ప్రముఖులు ప్రజలకు, కార్యకర్తలకు నూతన సంవత్సర శుభాకాంక్షలు తెలియజేస్తున్నారు. ఈ సందర్భంగా బీఆర్​ఎస్​ కార్యనిర్వహక అధ్యక్షుడు కేటీఆర్(KTR) పారిశుధ్య కార్మికులతో కలిసి మధ్యాహ్న భోజనం చేశారు. 

Sanitation Workers New Year Wishes to KTR : నూతన సంవత్సరం సందర్భంగా తెలంగాణ భవన్​లో పారిశుధ్య కార్మికులతో సమావేశాన్ని ఏర్పాటు చేశారు. వారితో కాసేపు కేటీఆర్​ ముచ్చటించారు. అనంతరం వారితో కలిసి భోజనం చేశారు. కార్మికులతో సెల్ఫీలు దిగుతూ సందడి చేశారు. గ్రేటర్ హైదరాబాద్ మున్సిపల్ కార్పొరేషన్ మేయర్ గద్వాల్ విజయలక్ష్మి ఈ కార్యక్రమంలో పాల్గొన్నారు. కొత్త ఏడాదిని పలువురు పురస్కరించుకొని బీఆర్​ఎస్​ ప్రజాప్రతినిధులు, నేతలు, కార్యకర్తలు కేటీఆర్​ను కలిసి శుభాకాంక్షలు తెలిపారు.