డ్యూటీలో ఉండగా ఎస్ఐ జోర్దార్ డ్యాన్స్.. సస్పెండ్ చేసిన ఉన్నతాధికారులు
డ్యూటీలో ఉండగా గుడి దగ్గర డ్యాన్స్ చేసిన ఓ సబ్ ఇన్స్పెక్టర్పై సస్పెన్షన్ వేటు పడింది. కేరళలోని ఇడుక్కి జిల్లాలో ఈ ఘటన జరిగింది.
బుధవారం శాంతన్పార పోలీస్ స్టేషన్ పరిధిలో.. పూపార మరియమ్మన్ దేవత జాతర జరిగింది. జాతరకు దాదాపు వంద మందికి పైగా భక్తులు హాజరయ్యారు. స్థానిక ఎస్ఐ కేపీ శాజీ తన బృందంతో కలిసి జాతర బందోబస్తులో విధులు నిర్వర్తిస్తున్నారు. అదే సమయంలో భక్తులు దేవత ముందు.. 'మరియమ్మ కాలియమ్మ' అనే తమిళ పాటను ప్లే చేశారు. ఆ పాట విన్న ఎస్ఐ కేపీ శాజా.. దేవత ముందు డాన్స్ చేశారు. ఆయన నృత్యాన్ని మిగతా పోలీసులతో పాటు భక్తులు తొలుత ఆసక్తిగా తిలకించారు. కాసేపటికి స్థానికులు వచ్చి ఎస్ఐని అడ్డుకున్నారు. అక్కడి నుంచి పక్కకు తీసుకెళ్లారు. డ్యూటీలో ఉండగా ఇలా గుడి ముందు సబ్ ఇన్స్పెక్టర్ డ్యాన్స్ చేసిన విషయం ఉన్నతాధికారుల దృష్టికి వెళ్లింది. వారు ఈ ఘటనను తీవ్రంగా పరిగణించారు. సబ్ ఇన్స్పెక్టర్పై సస్పెండ్ చేశారు. ఎస్ డ్యాన్స్ వీడియో సోషల్ మీడియాలో వైరల్ అయింది.
తరగతి గదిలో మహిళ టీచర్ల స్టెప్పులు..
తరగతి గదిలో ప్రభుత్వ పాఠశాల మహిళా టీచర్లు డ్యాన్స్ చేశారు. విద్యార్థులకు పాఠాలు చెప్పాల్సిన వారు.. బాలీవుడ్ పాటలకు స్టెప్పులేశారు. విషయం తెలుసుకున్న విద్యాశాఖ అధికారులు.. పాఠశాలలో బాధ్యతరాహితంగా ప్రవర్తించిన ఉపాధ్యాయులను సస్పెండ్ చేశారు. ఉత్తర్ప్రదేశ్లో ఆగ్రాలో జరిగిందీ ఘటన. వీడియో కోసం ఇక్కడ క్లిక్ చేయండి.