Manoj kumar Clarity on Shamirpet Incident : కాల్పులు జరిపింది నేను కాదు: కార్తీకదీపం ఫేమ్ మనోజ్ కుమార్​

Karthika Deepam Actor Manoj Kumar : మేడ్చల్ జిల్లా శామీర్​పేట్​లోని సెలబ్రిటీ క్లబ్​లోని విల్లాలో కాల్పుల కలకలం చోటుచోసుకున్న విషయం తెలిసిందే. మనోజ్ అనే వ్యక్తి తనపై కాల్పులు జరిపినట్లు సిద్దార్థ్ అనే వ్యక్తి పోలీసులకు ఫిర్యాదు చేశారు. దీని ఆధారంగా పోలీసులు సంఘటనా స్థలానికి చేరుకొని ఎయిర్​గన్​ను స్వాధీనం చేసుకున్నారు. ఈ ఘటనలో ఎవరికీ గాయాలు కాలేదని పోలీసులు నిర్ధారించారు. కుటుంబ సమస్యల కారణంగా ఈ కాల్పులు జరిగాయని పోలీసులు ప్రాథమిక అంచనాకు వచ్చారు. నిందితుడు మనోజ్‌.. పలు టీవీ సీరియళ్లలో నటిస్తున్నట్లు పోలీసులు తెలిపారు. 

ఈ క్రమంలోనే కార్తీకదీపం సీరియల్ నటుడు మనోజ్ కుమార్ స్పందించారు. కొన్ని మీడియా సంస్థలు.. కాల్పులు జరిపింది తానే అని ప్రచారం చేస్తున్నాయని మండిపడ్డారు. ఈ ఘటనతో తనకు ఎటువంటి సంబంధం లేదని వివరణ ఇచ్చారు. తాను బెంగళూరులో ఉన్నానని చెప్పారు. తనపై దుష్ప్రచారం చేస్తున్న వారిపై చర్యలు తప్పవని హెచ్చరించారు. ఈ మేరకు మనోజ్ కుమార్ ఓ వీడియోను విడుదల చేశారు.