KA Paul Comments on BRS Manifesto : 'బీఆర్​ఎస్​ మేనిఫెస్టో అంతా బూటకం.. తెలివైనవాడు బీఆర్​ఎస్​కు​ ఓటెయ్యడు' - తెలంగాణ అసెంబ్లీ ఎన్నికలు 2023

KA Paul Comments on BRS Manifesto :బీఆర్​ఎస్​ మేనిఫెస్టో అంతా బూటకమని.. కేసీఆర్​ ప్రజలకు మోసపూరిత వాగ్దానాలను చేస్తున్నారని.. ప్రజాశాంతి పార్టీ అధ్యక్షుడు కేఏ పాల్​(KA Paul) ఆరోపించారు. తెలివైనవాడు ఎవడూ.. కేసీఆర్​కు ఓటెయ్యడన్నారు. రాష్ట్రంలో కుటుంబ పార్టీ పాలనను వెలివేయాలని పిలుపునిచ్చారు. రాష్ట్రంలో ఎన్నికల నేపథ్యంలో ప్రధాన పార్టీలపై విమర్శలు గుప్పించారు.

KA Paul Fires on KCR :కేసీఆర్​ సర్కార్..​ తెలంగాణ రాష్ట్రాన్ని అప్పుల కుప్పగా మార్చిందని దుయబట్టారు. గత ఎన్నికలప్పుడు​.. ఇచ్చిన హామీలను తుంగలో తొక్కరాని మండిపడ్డారు. డబుల్​ బెడ్​రూం ఇళ్ల పంపిణీ, దళితబంధు, నిరుద్యోగులకు ఉద్యోగాల హామీని నేరవేర్చలేదని ధ్వజమెత్తారు. కర్ణాటకలో కాంగ్రెస్​ పార్టీ కూడా ఆచరణ సాధ్యం కానీ.. హామీలను ఇచ్చి చేతులెత్తేసిందని పేర్కొన్నారు. దేశంలో బీజేపీ మతతత్వపార్టీ అని ఆరోపించారు. బడుగ వర్గాల వారికే ప్రజాశాంతి పార్టీ ప్రాధాన్యం ఇస్తోందని.. బలహీన వర్గాల వారికి ఉపయోగపడే విధంగా మేనిఫెస్టో రూపొందించినట్లు పేర్కొన్నారు.