IT Employees Car Rally Hyderabad : హైదరాబాద్​ నుంచి రాజమహేంద్రవరానికి ఐటీ ఉద్యోగుల కార్ల ర్యాలీ.. అడుగడుగునా పోలీస్ బందోబస్తు

IT Employees Car Rally Hyderabad :టీడీపీ అధినేత, మాజీ ముఖ్యమంత్రి నారా చంద్రబాబు నాయుడు అక్రమ అరెస్టును ఖండిస్తూ.. పలువురు ఐటీ ఉద్యోగులు రాజమహేంద్రవరానికి కార్ల ర్యాలీ చేపట్టారు. హైదరాబాద్​లోని పలు ప్రాంతాల నుంచి రాజమహేంద్రవరం వరకు సంఘీభావ యాత్ర నిర్వహించారు. తెల్లవారుజామున 3 గంటల నుంచే పెద్ద ఎత్తున ఐటీ ఉద్యోగులు గచ్చిబౌలి, ఎస్​ఆర్​నగర్​, ఎల్బీనగర్​ తదితర ప్రాంతాల నుంచి యాత్రను ప్రారంభించారు.

దీంతో టోల్​ గేట్ల వద్ద ట్రాఫిక్​ జామ్​ ఏర్పడుతోంది. కార్లలో వెళ్తున్న ఈ ఐటీ ఉద్యోగులంతా చంద్రబాబు నాయుడు సతీమణి నారా భువనేశ్వరికి సంఘీభావం తెలపనున్నారు. ఈ విషయం తెలిసిన ఆంధ్రప్రదేశ్​ పోలీసులు.. అప్రమత్తమయ్యారు. ఆంధ్రప్రదేశ్​తో పాటు హైదరాబాద్​లోనూ నిఘా ఏర్పాటు చేశారు. ఆంధ్రాలోని వివిధ ప్రాంతాల్లో చెక్​పోస్టులను ఏర్పాటు చేశారు. విజయవాడ వైపు వెళుతున్న ప్రతి వాహనాన్ని క్షుణ్నంగా పరిశీలించిన తర్వాత అనుమతిస్తున్నారు. దేశ, విదేశాల్లోనూ చంద్రబాబు నాయుడు అక్రమ అరెస్టును నిరసిస్తూ.. నిరసనలు, ర్యాలీలు కొనసాగిస్తున్నారు.