Heavy Traffic Jam at Lulu Mall : లులూ మాల్​కు పొటెత్తిన ప్రజలు.. భారీగా ట్రాఫిక్ జామ్​ - Heavy traffic jam at Lulu Mall latest news

Heavy Traffic Jam at Lulu Mall in Hyderabad : హైదరాబాద్​ కూకట్​పల్లి పరిసర ప్రాంతాల ప్రజలు.. ట్రాఫిక్ సమస్యతో అవస్థలు పడుతున్నారు. జేఎన్​టీయూ వంతెన వద్ద నూతనంగా ఏర్పాటు చేసిన లులూ మాల్​ (Lulu Mall) వారిని ఇబ్బందులకు గురిచేస్తోంది. ఆదివారం కావడంతో ఆ మాల్​ను సందర్శించేందుకు ప్రజలు పొటెత్తారు. దీంతో భారీగా ట్రాఫిక్ జామ్ ఏర్పడింది. గత ఐదు రోజులుగా మధ్యాహ్నం 12 గంటల నుంచి మొదలుకొని.. సుమారు రాత్రి 11 గంటల వరకు ట్రాఫిక్​తో నానాపాట్లు పడుతున్నామని స్థానికులు వాపోతున్నారు.

Kukatpally Traffic Jam Today :సాయంత్రం పూట హైటెక్​సిటీ నుంచి జేఎన్​టీయూ వైపు.. హైదరాబాద్ నుంచి మియాపూర్ వైపుగా వచ్చేందుకు.. ట్రాఫిక్​లో ఇరుక్కుని నానా కష్టాలు పడుతున్నామని స్థానికులు ఆవేదన వ్యక్తం చేస్తున్నారు. ఈ విషయం తెలిసి చాలా మంది కనీసం ఇంటిలో నుంచి బయటకు వచ్చేందుకు భయపడాల్సిన పరిస్థితి వచ్చిందని వాపోయారు. ఇప్పటికైనా అధికారులు స్పందించి.. ఆ మాల్ నిర్వాహకులతో చర్చించాలని అంటున్నారు. తదనగుణంగా సరైన చర్యలు చేపట్టాలని స్థానికులు కోరుతున్నారు. మరోవైపు ఈ విషయం తెలుసుకున్న  ట్రాఫిక్ పోలీసులు.. ట్రాఫిక్​ను క్రమబద్ధీకరించేందుకు చర్యలు చేపట్టారు.