గ్యాస్​ సిలిండర్​ పేలుతుందేమో అని భయపడుతున్నారా? - ఇలా చేస్తే మీరు సేఫ్ - gas explosion at home

Gas Cylinder Safety Precautions : ప్రస్తుతమున్న జీవనశైలిలో వంట విషయంలో గ్యాస్‌ వినియోగం తప్పనిసరి అయిపోయింది. ఉదయం లేచింది మెుదలు రాత్రి పడుకునే వరకు మహిళలు వంట గదిలో ఏదో ఒక వంటకం చేస్తూనే ఉంటారు. మరి, మన వంటింట్లోని గ్యాస్ సిలిండర్​ వినియోగించేటప్పుడు కనీస పరిజ్ఞానం అవసరం. గ్యాస్​బండ వల్ల మనకు ప్రాణహాని ఉందని తెలిస్తే కచ్చితంగా జాగ్రత్త వహించాల్సిందే. 

నిత్యం గ్యాస్ సిలిండర్ పేలి జరుగుతున్న అగ్నిప్రమాదాల నుంచి మనం చాలా అప్రమత్తంగా ఉండాలి. గ్యాస్​స్టవ్​ను ఎల్లప్పుడూ గ్యాస్​బండ కంటే ఎత్తులో పెట్టాలి. అలాగే వంటగదిలో ఫ్రిడ్జ్​, మండే స్వభావం ఉన్న వస్తువులను ఉంచకూడదని అగ్నిమాపక అధికారులు సూచిస్తున్నారు. సాధారణంగా గ్యాస్‌ సిలిండర్‌ పేలింది అని వింటూ ఉంటాం. కానీ, వాస్తవానికి సిలిండర్‌ పేలడం అనేది ఉండదు అంటున్నారు ఫైర్​సేఫ్టీ అధికారులు. కొన్ని సార్లు నిర్లక్ష్యం, అజాగ్రత్త వల్లనో ప్రమాదాలు జరుగుతుంటాయని చెబుతున్నారు. ప్రమాదం జరగక ముందు అదే విధంగా ప్రమాదం జరిగిన తర్వాత తీసుకునే జాగ్రత్తలుంటాయని అంటున్నారు. మరి, అవేంటో ఇప్పుడు తెలుసుకుందాం.