మంచు దుప్పటిలో శ్వేతవర్ణ శోభితంగా కేదార్​నాథ్​, బద్రీనాథ్​, గంగోత్రి - బద్రీనాథ్​లో కురుస్తున్న మంచు​

ఉత్తరాఖండ్‌లోని బద్రినాథ్​, కేదార్​నాథ్, కేదార్​ మద్మదేశ్వర్​, కేదార్ తంగ్​నాథ్​, కార్తికేయ లాంటి ప్రసిద్ధ ఆలయాలను మంచు దుప్పటి కప్పేసింది. ఉష్ణోగ్రతలు కనిష్ఠస్థాయికి చేరుకోవడంతో ఆ ప్రాంతంలో భారీగా మంచు కురుస్తోంది. దీంతో ప్రసిద్ధ ఆలయాలు, పరిసర ప్రాంతాలు శ్వేత వర్ణాన్ని సంతరించుకున్నాయి. మంచు కురుస్తుండటం వల్ల పర్యటకులు తాకిడి కూడా పెరిగింది. మంచు పడుతుండటం వల్ల కేదార్​నాథ్ రెండో దశ పునర్నిర్మాణ పనులు ఆగిపోయాయి. అటు హిమాచల్‌ప్రదేశ్‌ శిమ్లాలోనూ ఉష్ణోగ్రతలు భారీగా పతనమవుతున్నాయి. ఎటు చూసిన మంచుతో పేరుకుపోయిన ఇళ్లు, రోడ్లు దర్శనమిస్తున్నాయి. ముఖ్యంగా నరకంద ప్రాంతంలోని రహదారిని హిమపాతం ముంచెత్తింది. రోడ్డుకు ఇరువైపులా మంచు పేరుకుపోయింది.