ఆటో డ్రైవర్​ గొప్ప మనసు - అలాంటి వారి కోసం నగరంలో ఉచితంగా మంచి నీటి పంపిణీ

Free Drinking Water Supply : ప్రజలకు సేవ చేయాలనే సంకల్పంతో సంపాదించిన సొమ్మును కొంత దాచుకొని, మిగిలిన దానితో కొంత అయినా సేవ చేస్తే ఆ భగవంతుడు తన కుటుంబాన్ని కాపాడుతాడని అంటున్నాడు సయ్యద్​ జమీల్​. ప్రజలకు కొంత మేరకు అయినా సేవ చేయాలనే లక్ష్యంతో టోలిచౌకీకి చెందిన సయ్యద్​ జమీల్​(45), తన ఆటోలో మంచి నీటి క్యాన్లను పెట్టుకుని ఉచితంగా నీటిని పంపిణీ చేస్తున్నాడు.  

Free Water Supply :శుక్రవారం రోజున ప్రజావాణి కార్యక్రమానికి హాజరైన ప్రజలకు ఉచితంగా మంచి నీటిని పంపిణీ చేశాడు. ఈ సందర్భంగా సయ్యద్​ జమీల్ మాట్లాడారు. పేద ప్రజలు డబ్బులు పెట్టి వాటర్​ కొనకుండా ఉండేందుకే తాను మంచి నీటిని సరఫరా చేస్తున్నట్లు తెలిపాడు. మరోవైపు కుల మతాలకు అతీతంగా ప్రజలందరూ అన్నదమ్ముల్లాగా కలిసి మెలిసి ఉండేందుకు తాను మంచి నీటి సరఫరా చేస్తున్నానని చెప్పాడు. నగరంలో రద్దీ ప్రాంతాల్లో, ముఖ్యంగా రైల్యే స్టేషన్​ పరిసరాల్లో మంచి నీటిని పంపిణీ చేస్తున్నట్లు జమీల్ పేర్కొన్నాడు.