సీఎం కేసీఆర్ మాటలతో కోటలు కడతారు తప్ప - మన సమస్యలు తీర్చరు : ఈటల రాజేందర్

Etela Rajender Comments on KCR : నామినేషన్ల పర్వం ముగియడంతో.. ప్రధాన పార్టీలు తమ ప్రచారాలను మరింత ఉద్ధృతం చేశాయి. భారతీయ జనతా పార్టీ బీసీ నినాదంతో ముందుకు సాగుతూ.. పార్టీ అగ్రనేతలతో ప్రత్యేక సభలు ఏర్పాటు చేస్తోంది. ఈ క్రమంలోనే బీజేపీ ప్రచార కమిటీ ఛైర్మన్, హుజూరాబాద్ ఎమ్మెల్యే ఈటల రాజేందర్ కరీంనగర్ జిల్లాలో ప్రచారం చేస్తూ.. అధికార బీఆర్ఎస్​పై నిప్పులు చెరిగారు. జిల్లాలోని వీణవంక మండలంలోని ప్రజలు.. ఈటలకు మంగళహారతులతో ఘన స్వాగతం పలికారు. ఈ సందర్భంగా మాట్లాడిన ఈటల.. సీఎం కేసీఆర్ మాటలతో కోటలు కడతారు తప్ప.. మన సమస్యలు తీర్చరని విమర్శించారు.

Etela Rajender Fires on BRS : రూ.లక్ష కోట్లు ఖర్చు పెట్టి కట్టిన కాళేశ్వరం ప్రాజెక్టు పరిస్థితి.. నేడు గంగపాలైందని మండిపడ్డారు. తెలంగాణ ఏర్పడి పదేళ్లు కావస్తోందని.. ఇప్పటివరకు ఎంత మంది యువతకు ఉద్యోగం కల్పించారని ప్రశ్నించారు. ఇచ్చే రెండు వేల ఫించన్​ వల్ల బతుకులు బాగుపడవని.. మన పిల్లలకు ఉద్యోగాల కల్పన జరిగితే అదే పదివేలని అన్నారు. రాష్ట్రం బాగుపడాలంటే బీజేపీ రావాలని నినదించారు.