లిఫ్ట్​లో బాలుడిని కరిచిన కుక్క అమ్మతో స్కూల్​కు వెళ్తుండగా - చిన్నారిపై కుక్క దాడి

ఉత్తర్​ప్రదేశ్​లోని నోయిడాలో ఆరేళ్ల బాలుడిని పెంపుడు కుక్క కరిచింది. లిఫ్ట్​లో బాలుడు తన తల్లితో స్కూల్​కు వెళ్తుండగా మంగళవారం జరిగిందీ ఘటన. బాలుడిని కుక్క కరిచినప్పుడు శునకం యజమాని కార్తీక్​ గాంధీ అక్కడే ఉన్నాడు. బాలుడి చేతికి కూడా తీవ్రంగా గాయాలయ్యాయని అతడి తల్లి తెలిపింది. సీసీటీవీ ఫుటేజీలో రికార్డైన ఘటానాదృశ్యాలు ప్రస్తుతం సామాజిక మాధ్యమాల్లో వైరల్​గా మారాయి. బాలుడిపై కుక్క దాడిచేసినందుకు గ్రేటర్ నోయిడా అధికారులు శునకం యజమాని కార్తీక్​కి పది వేల రూపాయలు జరిమానా విధించారు. ఈ జరిమానాను ఏడు రోజుల్లోగా గ్రేటర్ నోయిడా అథారిటీలో డిపాజిట్ చేయాలని ఆదేశించారు. నోయిడా పరిధిలో కుక్కల దాడులు పెరడం వల్ల జంతు సంరక్షణ చట్టంలో ఇటీవల మార్పులు చేశారు. ఈ చట్టం ప్రకారం తాజాగా జరిమానా విధించారు.