Congress War Room in Hyderabad : తెలంగాణ ఎన్నికల్లో గెలుపే లక్ష్యంగా 'వార్ ​రూమ్​'లో కాంగ్రెస్ సన్నాహాలు - కాంగ్రెస్ తాజా వార్తలు

Congress War Room in Hyderabad  :అసెంబ్లీ ఎన్నికల్లో గెలుపే లక్ష్యంగా వ్యూహాలు పన్నుతున్న కాంగ్రెస్‌.. తొలిసారిగా పార్టీ రాష్ట్ర కార్యాలయంలోని ఇందిరాభవన్‌లో వార్‌ రూమ్​ ఏర్పాటు చేసింది. ఎన్నికల వేళ కార్యకర్తలను, నాయకత్వాన్ని వెనకుండి నడిపించేందుకు.. ఈ వార్‌ రూమ్​ కేంద్రంగా పార్టీ విధానపరమైన నిర్ణయాలు జరగనున్నాయి. ఎన్నికల పరిస్థితులను ఎప్పటికప్పుడు సమన్వయం చేసేందుకు ఇతర రాష్ట్రాలకు చెందిన అనుభవజ్ఞులను నియమించింది. రాష్ట్రవ్యాప్తంగా జరుగుతున్న కార్యక్రమాలపై వెనువెంటనే నివేదిక చేయనుంది.

Congress Strategy For Telangana Assembly Election 2023 :ఎప్పటికప్పుడు క్షేత్రస్థాయిలో జరిగే పరిస్థితిలపై వార్‌ రూమ్​ నిరంతరం నిఘా పెట్టనుంది. అదేవిధంగా బూత్‌స్థాయిలో రోజువారీగా జరిగే కార్యక్రమాలపై విశ్లేషిస్తుంది. ఎన్నికల బరిలో ఉండే నాయకులకు, ప్రచార కమిటీకి, పీసీసీ, సీఎల్పీలకు ఇక్కడ నుంచే అవసరమైన సమాచారాన్ని అందించనుంది. వార్‌ రూమ్​ పనితీరుపై.. తెరవెనక నుంచి నడిపించే ఈ కేంద్రంలో ఎవరెవరుంటారు. వారంతా ఏం చేస్తుంటారనే విషయాలను హైదరాబాద్‌ గాంధీభవన్‌ నుంచి టీపీసీసీ ఉపాధ్యక్షుడు, కోఆర్డినేటర్‌ మల్లు రవితో ముఖాముఖి..