CM KCR at Gaddar Funeral : ప్రజా యుద్ధనౌక గద్దర్కు నివాళులు అర్పించిన సీఎం కేసీఆర్
CM KCR at Gaddar funeral : ప్రజా గాయకుడు గద్దర్కు సీఎం కేసీఆర్ నివాళులు అర్పించారు. అల్వాల్లోని గద్దర్ నివాసానికి వెళ్లిన కేసీఆర్.. ఆయన భౌతికకాయానికి పూల దండ వేసి ఘన నివాళులు అర్పించారు. అనంతరం గద్దర్ కుటుంబ సభ్యులను ఓదార్చారు. తెలంగాణ ఉద్యమ సమయంలో ఆయన చేసిన సేవలను గుర్తు చేసుకున్నారు. మరోవైపు గద్దర్ అంత్యక్రియలు ప్రభుత్వ లాంఛనాలతో మరి కొద్దిసేపట్లో ముగియనున్నాయి. ఉదయం ఎల్బీ స్టేడియంలో అభిమానుల సందర్శనార్థం భౌతికకాయం ఉంచారు. అనంతరం మధ్యాహ్నం సమయంలో సికింద్రాబాద్, రాణిగంజ్, బన్సీలాల్‌పేట్, ఆర్పీ రోడ్‌, సిటీ లైట్ మీదుగా గద్దర్ అంతిమయాత్ర కొనసాగింది. గద్దర్ కడసారి చూపు కోసం వేల మంది అభిమానులు, కళాకారులు తరలి వచ్చారు. సినీ, రాజకీయ ప్రముఖులు సైతం ఘన నివాళులు అర్పించి అంతియ యాత్రలో పాల్గొన్నారు. గద్దర్ కుటుంబానికి మావోయిస్టు పార్టీ ప్రగాఢ సంతాపం తెలిపింది. జననాట్యమండలి ఏర్పాటులో గద్దర్ కృషి మరువలేనదని పేర్కొంది.