బీఆర్‌ఎస్ ఎమ్మెల్యే పాడి కౌశిక్‌రెడ్డిపై కేసు నమోదు - బీఆర్‌ఎస్ ఎమ్మెల్యే పాడి కౌశిక్‌రెడ్డి

Case Registered against Padi Kaushik Reddy :హుజూరాబాద్ బీఆర్‌ఎస్‌ ఎమ్మెల్యే పాడికౌశిక్‌రెడ్డిపై పోలీసులు కేసు నమోదు చేశారు. ఎన్నికల కౌంటింగ్ కేంద్రం వద్ద ఎలక్షన్‌ కోడ్‌ ఉల్లంఘించడంతో పాటు తమ విధులకు ఆటంకం కలిగించినందుకు గానూ కేసు నమోదు చేసినట్లు పోలీసులు పేర్కొన్నారు. 

BRS MLAPadi Kaushik Reddy :ఓట్ల లెక్కింపు రోజు కరీంనగర్‌లోని ఎస్‌ఆర్‌ఆర్ కళాశాల కౌంటింగ్ కేంద్రం వద్ద 144 సెక్షన్ అమల్లో ఉండగా కౌశిక్‌రెడ్డి కార్యకర్తలు గుంపులు గుంపులుగా చేరడంతో పోలీసులు అడ్డుకునే యత్నం చేశారు. ఈ క్రమంలో ఇరువురి మధ్య తీవ్ర వాగ్వాదం జరిగింది. దీంతో కొద్దిసేపు ఘర్షణ వాతావరణం నెలకొంది. కౌశిక్​ రెడ్డి పోలీసులతో దురుసుగా ప్రవర్తించాడు. దీంతో పోలీసులు వారందరిని అక్కడి నుంచి చెదరగొట్టారు. ఇవాళ ఎన్నికల నియమావళి ఉల్లంఘనతో పాటు పోలీసుల విధులకు ఆటంకం కల్పించారని పాడికౌశిక్‌రెడ్డితో పాటు ఆయన అనుచరులపై 506,290,303 సెక్షన్ల కింద కేసు నమోదు చేశారు.