Car Accident Viral Video : అతివేగంతో వృద్ధుడిపైకి దూసుకెళ్లిన కారు.. లారీ కింద పడి యువ దంపతులు మృతి - స్కూటీని ఢీకొట్టిన లారీ యువ జంట మృతి గాజియాబాద్

Car Accident Viral Video In Tamil Nadu : తమిళనాడు.. నమక్కల్​ జిల్లాలో వేగంగా వస్తున్న ఓ లగ్జరీ కారు అదుపుతప్పి ఎదురుగా ద్విచక్ర వాహనంపై వస్తున్న జ్ఞానశేఖరన్ అనే వ్యక్తిని ఢీకొట్టింది. కీరంపుర్ టోల్​ ప్లాజ్​ సమీపంలోని వంపుగా ఉన్న మార్గంలో జరిగిన ఈ ఘటనలో జ్ఞానశేఖరన్ అక్కడికక్కడే మృతిచెందాడు. కారులో ప్రయాణిస్తున్న బాలు స్వామి, రాజన్, సంతోష్​లు తీవ్ర గాయాలతో బయటపడ్డారు. అనంతరం వీరిని నమక్కల్ ప్రభుత్వ వైద్య కళాశాల ఆస్పత్రికి తరలించి చికిత్స అందిస్తున్నారు.

లారీ కింద పడి యువ తంపతులు మృతి..
ఉత్తర్​ప్రదేశ్​.. గాజియాబాద్​లో లారీ కింద పడి యువ దంపతులు మృతి చెందారు. రాజ్​నగర్ ఎక్స్​టెన్షన్ ఏరియా సమీపంలో ఒమేగా కూడలిలో వెళ్తున్న ఓ లారీని.. స్కూటీపై వెళ్తున్న యువ తంపతులు ఓవర్​ టేక్​ చేసే ప్రయత్నం చేశారు. ఇంతలో లారీ ఢీకొట్టడం వల్ల.. దాని కింద పడిపోయారు. అనంతరం వారి పైనుంచి లారీ వెళ్లింది. ఇది గమనించిన స్థానికులు తీవ్రంగా గాయపడిన దంపతులను హుటహుటిన ఆస్పత్రికి తరలించారు. కానీ వారిద్దరూ మృతిచెందారు. వీరిద్దరు అసోంలోని మాల్​బజార్​ సిలిగుడికి చెందిన వారని.. ఓ ప్రైవేటు కంపెనీలో పనిచేస్తున్నట్లు నందగ్రామ్ ఏసీపీ రితేశ్​ త్రిపాఠి తెలిపారు. ఈ ఘటనకు సంబంధించిన సీసీటీవీ దృశ్యాలు సోషల్​ మీడియాలో వైరల్ అయ్యాయి.