BRS MP Vaddiraju Ravichandra Interview : ఖమ్మంపై కేసీఆర్​ స్పెషల్​ ఫోకస్​ పెట్టారు.. 10కి 10 స్థానాలూ గెలుస్తాం : వద్దిరాజు రవిచంద్ర

BRS MP Vaddiraju Ravichandra Interview :ఎన్నికలు సమీపిస్తున్న వేళ ముఖ్యమంత్రి కేసీఆర్ ఉమ్మడి ఖమ్మం జిల్లాపై శ్రద్ద పెట్టారని బీఆర్​ఎస్​ రాజ్యసభ ఎంపీ వద్దిరాజు రవిచంద్ర అన్నారు. నియోజకవర్గాల వారీగా బహిరంగ సభలకు శ్రీకారం చుట్టిన కేసీఆర్.. ఖమ్మం, భద్రాద్రి కొత్తగూడెం జిల్లాలపై ప్రత్యేక దృష్టి సారించారని, అభ్యర్థులను ప్రకటించి ఎన్నికల ప్రచారంలో ముందున్న బీఆర్​ఎస్​ అభ్యర్థులు, పార్టీ శ్రేణుల్లో జోష్ నింపడమే లక్ష్యంగా తొలి దఫాలో 5 నియోజకవర్గాల్లో భారీ బహిరంగ సభల్లో ముఖ్యమంత్రి కేసీఆర్ పాల్గొనేలా పార్టీ ప్రణాళికలు చేస్తోందని తెలిపారు. పాలేరు నుంచి జిల్లాలో ప్రచారపర్వం మొదలుపెట్టి ఎన్నికల శంఖరావం పూరించేందుకు సిద్ధమవుతోందని ఎంపీ పేర్కొన్నారు.

 Rajyasabha MP Vaddiraju Ravichandra On Elections :ఈ నెల 27న పాలేరు నియోజకవర్గంలో భారీ బహిరంగ సభలో ముఖ్యమంత్రి కేసీఆర్ పాల్గొననున్నారని ఆయన తెలిపారు. తర్వాత నవంబర్ 1, 4 తేదీల్లో మరో నాలుగు నియోజకవర్గాల్లో భారీ బహిరంగ సభలు నిర్వహించేలా పార్టీ పక్కా ప్లాన్​ వేస్తోందని చెప్పారు. రాష్ట్రంలోనే ఎక్కడా లేనివిధంగా కేవలం ఉమ్మడి ఖమ్మం జిల్లాలోని 10 అసెంబ్లీ నియోజకవర్గాలకు ఎన్నికల ఇంఛార్జీలను నియమించారని.. ఈసారి జిల్లాలో 10కి 10 స్థానాలు గెలవడమే బీఆర్​ఎస్​ లక్ష్యమని ఎంపీ విశ్వాసం వ్యక్తం చేశారు. సీఎం కేసీఆర్ రాకతో జిల్లాలో పూర్తి స్థాయిలో సమరశంఖం పూరిస్తామంటున్న ఎంపీ వద్దిరాజు రవిచంద్రతో ఈటీవీ భారత్​ ప్రత్యేక ముఖాముఖి..