కాంగ్రెస్​ నాయకులు అయోధ్యను దర్శించుకోకపోతే పోయేదేమీ లేదు : డీకే అరుణ - DK Aruna fire on Congress

BJP Leader DK Aruna Comments on Congress :అయోధ్య రామాలయ నిర్మాణం కోసం ఎన్నో ఏళ్లుగా ఎదురు చూస్తున్న ఈ మహాత్కార్యాన్ని అందరూ మరుపురాని రోజుగా భావిస్తుంటే, కాంగ్రెస్ పార్టీ మాత్రం రాజకీయాలకు ముడి పెట్టే ప్రయత్నం చేస్తుందని బీజేపీ జాతీయ ఉపాధ్యక్షురాలు డీకే అరుణ మండిపడ్డారు. కాంగ్రెస్​ పార్టీ కులంతో, మతంతో కూడుకున్నదని విమర్శించారు. మహబూబ్​నగర్​ జిల్లా కేంద్రంలోని బాలికల జూనియర్​ కళాశాలలో నిర్వహించిన ముగ్గుల పోటీల్లో గెలుపొందిన వారికి ఆమె బహుమతులు ప్రదానం చేశారు.

DK Aruna About Ayodhya Ram Mandir :ఈ సందర్భంగా డీకే అరుణ అయోధ్య రామ మందిరం గురించి మాట్లాడుతూ కాంగ్రెస్​పై విమర్శలు చేశారు. శ్రీరాముడు ఉన్నాడని అనుకునే వారు అయోధ్య దర్శనం చేసుకుంటారని, కాంగ్రెస్​ నాయకులు దర్శించుకోకపోతే పోయేదేమీ లేదని ఎద్దేవా చేశారు. ఈ క్రమంలోనే అయోధ్య రామ మందిరాన్ని దర్శించుకునేందుకు ఈ నెల 23 నుంచి ప్రభుత్వం రవాణా సౌకర్యం కల్పిస్తుందని పేర్కొన్నారు.