దుండగుల బీభత్సం బైక్​పై వచ్చి ఒకేరోజు ఆరు ప్రాంతాల్లో కాల్పులు - firing incident in bihar

దారిలో వెళ్తున్న వారిని టార్గెట్​ చేస్తూ కాల్పులకు తెగబడుతున్నారు బిహార్​లోని కొందరు ఆకతాయిలు. రెండు నెలల క్రితం బెగుసరాయ్​లోని జరిగిన కాల్పుల్లో ఒకరు మరణించిన ఘటన మరువక ముందే మరోసారి ఫైరింగ్​ జరగడం స్థానికులను భయభ్రాంతులకు గురిచేస్తోంది. సహర్సాలోని సిమ్రీ భక్తియాపుర్​లో శుక్రవారం రాత్రి బైక్​పై వచ్చిన ముగ్గురు ఆకతాయిలు కాల్పులకు పాల్పడ్డారు. వెనకే మరో బైక్​పై వచ్చిన దుండగులు సైతం కాల్పులు జరిపారు. మొత్తం ఆరు ప్రాంతాల్లో దుండగులు కాల్పులు జరిపినట్లు తెలుస్తోంది. దుకాణదారులు, పాదచారులే లక్ష్యంగా కాల్పులకు తెగబడుతున్నారు. వీరిని పట్టుకునేందుకు పోలీసులు రంగంలోకి దిగారు.