బిహార్​లో బాల్యవివాహం.. మాకేం తెలీదన్న పోలీసులు! - బిహార్​ బాల్య వివాహం

bihar child marriage: బిహార్​లో బాల్యవివాహానికి సంబంధించిన వీడియో సోషల్ మీడియాలో సోషల్ మీడియాలో చక్కర్లు కొడుతోంది. గయా జిల్లాలోని నక్సల్ ప్రభావిత ప్రాంతమైన దుమారియాలో ఈ పెళ్లి జరిగినట్లు తెలుస్తోంది. బంజారా వర్గానికి చెందిన రెండు కుటుంబాలు.. బాలుడికి, బాలికకు ఓ గుడిలో వివాహం జరిపించాయి. బాలిక స్వస్థలం ఝార్ఖండ్​లోని హరిహర్​గంజ్​ అని సమాచారం. అయితే, దీనిపై తమకు ఎలాంటి సమాచారం అందలేదని స్థానిక పోలీసులు చెప్పుకొచ్చారు. విషయం జిల్లా మేజిస్ట్రేట్ వరకు వెళ్లింది. దీంతో ఘటనపై విచారణ జరపాలని ఆదేశించారు. అనంతరం బాల వధూవరుల తల్లిదండ్రులపై పోలీసులు కేసు నమోదు చేసుకున్నారు.