Bandi Sanjay as BJP National General Secretary : జాతీయ ప్రధాన కార్యదర్శిగా పగ్గాలు చేపట్టిన బండి సంజయ్ - Bandi Sanjay as BJP National General Secretary

Bandi Sanjay takes charge as BJP National General Secretary:  దిల్లీ ప్రధాన కార్యాలయంలో బీజేపీ జాతీయ ప్రధాన కార్యదర్శిగా.. బండి సంజయ్​ పదవీ బాధ్యతలు స్వీకరించారు. అధిష్ఠానం తనపై పెట్టిన బాధ్యతను నమ్మకంతో పనిచేసి.. పార్టీని శ‌క్తివంతంగా తయారు చేస్తానని వెల్లడించారు. తెలంగాణలో జరుగుతున్న నిరంకుశ పాలనకు అడ్డుకట్ట వేసి.. మోదీ రాజ్యస్థాపనకు తన వంతు కృషి చేస్తానని స్పష్టం చేశారు. ఈ సందర్భంగా నేతలు బండి సంజయ్​కు శుభాకాంక్షలు తెలిపారు. 

బీజేపీని మరింత పటిష్ఠం చేసే దిశగా ఆ పార్టీ జాతీయ అధినాయకత్వం పార్టీలో పలుమార్పులు చేపట్టింది. ముఖ్యంగా తెలంగాణలో అధికారమే లక్ష్యంగా పార్టీలో స్వల్ప మార్పులు చేసింది. బీజేపీ అధ్యక్ష పదవి నుంచి బండి సంజయ్​ని తొలగించి.. కిషన్ ​రెడ్డికి పదవీ బాధ్యతలను అప్పగించింది. అనంతరం బండి సంజయ్​ని బీజేపీ జాతీయ ప్రధాన కార్యదర్శిగా నియమించింది. గురువారం రోజున బండి సంజయ్​ కుటుంబ సభ్యులతో కలిసి నరేంద్ర మోదీని కలిశారు. తెలంగాణలో బీజేపీ బలోపేతం కోసం ఎంతగానో శ్రమించారని బండి సంజయ్​ని.. మోదీ అభినందించారు. రానున్న ఎన్నికల నేపథ్యంలో మరింతగా కష్టపడాలని సూచించారు.