అలంపూర్​ బీఆర్​ఎస్​ అభ్యర్థి విజయుడి నామినేషన్​పై వివాదం - అలంపూర్​ బీఆర్​ఎస్​ అభ్యర్థి నామినేషన్​పై వివాదం

Alampur BRS candidate Vijayudu Nomination Controversy : అలంపూర్​ బీఆర్​ఎస్​ అభ్యర్థి విజయుడి నామినేషన్​పై వివాదం నెలకొంది. ఈసీ నిబంధనలకు అనుగుణంగా.. నామినేషన్​ దాఖలు చేయలేదని ప్రతిపక్ష అభ్యర్థులు ఆరోపిస్తున్నారు. తక్షణమే నామినేషన్​ను రద్దు చేయాలని రిటర్నింగ్​ అధికారికి విజ్ఞప్తి​ చేశారు. 

Alampur BRS candidate Nomination Issue :విజయుడు ఉపాధి హామీ పథకంలో క్షేత్ర సహాయకుడిగా(ఫీల్డ్​ అసిస్టెంట్​) ఉద్యోగం చేశారని.. అందుకు సంబంధించిన రాజీనామా లెటర్​ను నామ పత్రాలలో పొందుపరచలేదని పేర్కొన్నారు. అనంతరం అలంపూర్ నియోజకవర్గ ఎన్నికల రిటర్నింగ్ అధికారి.. చంద్రకళ కారును అడ్డుకుని ప్రశ్నించారు. రిటర్నింగ్​ అధికారి.. అధికార బీఆర్​ఎస్​ పార్టీకి అనుకూలంగా వ్యవహరిస్తోందని మండిపడ్డారు. నామ పత్రాలపై విజయుడు చేసిన అభ్యంతరాలను వ్యక్తం చేస్తూ లేఖను అందజేశారు. ఆర్వో కార్యాలయం వద్ద కోలాహలం నెలకొనడంతో శాంతిభద్రతల దృష్ట్యా.. డీఎస్పీ వెంకటేశ్వర్లు అక్కడికి చేరుకొని అభ్యర్థులతో చర్చించారు. ఈ విషయంపై కేంద్ర ఎన్నికల అధికారికి నివేదించుతామని.. కలెక్టర్​తో కూడా చర్చించనున్నట్లు ఎన్నికల పరిశీలకులు పేర్కొన్నారు.