మటన్​ బిర్యానీ ఉడకలేదన్న కస్టమర్లు - చితకబాదిన వెయిటర్లు ​ - హోటల్​లో వెయిటర్ల దాడి

Abids Hotel clash in Hyderabad : హైదరాబాద్ అబిడ్స్​లో ఓ హోటల్​లో బిర్యానీ విషయమై తలెత్తిన గొడవ తీవ్ర ఉద్రిక్తతకు దారితీసింది. నూతన సంవత్సర సందర్భంగా ధూల్‌పేటకు చెందిన కొందరు వ్యక్తులు రాత్రి మటన్ బిర్యానీ ఆర్డర్ చేశారు. అయితే ​ బిర్యానీ సరిగా ఉండకలేదని, తాము పూర్తి డబ్బులు చెల్లించలేమని హోటల్ సిబ్బందికి చెప్పారు. అయితే దీనికి వారు అంగీకరించలేదు. దీంతో ఇరువర్గాల మధ్య ఉద్రిక్తత తలెత్తింది. కస్టమర్లు వెయిటర్​పై దాడి చేయడంతో, సిబ్బంది వినియోగదారులపై కర్రలతో దాడికి దిగారు. ఈ క్రమంలో కొంతమంది వినియోగదారులకు గాయాలు కావడంతో ఉస్మానియా ఆసుపత్రికి పోలీసులు తరలించారు.

Clash in Abids Hotel over Biryani :బాధితుల ఫిర్యాదు మేరకు హోటల్ యజమానిపై అబిడ్స్ పోలీసులు కేసు నమోదు చేసి, నలుగురు వెయిటర్లను అరెస్ట్ చేశారు. ఈ ఘటనపై గోషామహల్ ఎమ్మెల్యే రాజాసింగ్  స్పందించారు. వెంటనే హోటల్ యజమానిపై అరెస్ట్ చేయాలని, లేనిపక్షంలో హోటల్‌పై దాడి చేస్తామని హెచ్చరించారు. యజమానిని అరెస్టు చేయాలంటూ అబిడ్స్​ పీఎస్​ ముందు ధూల్​పేట లోద్​ సమాజ్​ నాయకులు ఆందోళన చేపట్టారు.