రెచ్చిపోయిన దొంగలు.. యువకుడి గొంతు నులిమి.. సెల్​ఫోన్, నగదు చోరీ! - గురుగ్రామ్ దొంగతనం వార్తలు

Gurugram robbery CCTV video: హరియాణాలో దొంగలు రెచ్చిపోయారు. గురుగ్రామ్​లో ఓ వ్యక్తిని అడ్డగించి డబ్బు, సెల్​ఫోన్ చోరీ చేశారు. మే 11న జరిగిన ఈ ఘటన తాజాగా వెలుగులోకి వచ్చింది. ఉదయం ఆరున్నర గంటల సమయంలో రోడ్డుపై నడుచుకుంటూ వెళ్తున్న యువకుడిని.. ఓ దొంగ వెనక నుంచి వచ్చి అడ్డగించాడు. గొంతును గట్టిగా పట్టేశాడు. అతడితో పాటు వచ్చిన మరో దొంగ.. యువకుడి జేబులో నుంచి డబ్బు, సెల్​ఫోన్ దొంగలించాడు. అనంతరం ఇద్దరు దొంగలు అక్కడి నుంచి పరార్ అయ్యారు. మొత్తం రూ.7900 చోరీ అయ్యాయని బాధితుడు చెప్పాడు. సీసీటీవీ దృశ్యాలను పరిశీలించిన పోలీసులు.. నిందితులను అదుపులోకి తీసుకున్నారు. నిందితుల్లో ఒకరిది బిహార్ కాగా.. మరొకరిది ఝార్ఖండ్ అని తెలిపారు.